الدور الأول(2)

الدور الأول عندي في المسكن الشعبي العشوائي الخاص بية
هو بيت العيلة
اللي كل اللي سكنين عندي بيجمعوا فية عشان اي سبب يختر على بال اي حد فيكم
ٍأما ييتخنقوا
او بيحتفلوا
او ينّموا
او يناموا
اي سبب...... المهم انهم لازم يتقبلوا
اتفضلوا انا عزماكم عندي
مفيش حد غريب
دى شوية افكار قديمة
علي شوية جراح
علي شوية مشاكل
علي احلام اتحققت
والزحمة اللي هناك دي؟؟
لا ماتخدوش في بالكم
دي الأحلام اللي لسة متحققتش
وكله جي دورة في حفلة التعراف اللي ها تبقي عندي كل يوم
وانت حظك ياللي جي تزورني.........
اما يقع حظك في حفلة ؟؟؟
او يقع حظك في ميتم؟؟؟
وأللي فيكم عندة مناسبة يتفضل يقولنا عليها ويعزمنا
وان شاء اللة نيجي
الناس لبعضيها....

مساكن شعبية (1)

المساكن الشعبية مش بس موجودة في الشارع بتشوفها العين وتحبها
مش بس بتحكي تراثنا
مش بسي بتتكلم عن حدث تاريخي مر علية زمن
لأ ......
دة في مساكن شعبية نفسك متشفهاش عينك
ومتتخيلش ان في ناس عايشة فيها
في خط رفيع بين المساكن الشعبية والعشوائيات
وهنا هانفرق بينهم....
وفرأيّ ان المساكن الشعبية ممكن تكون كمان في عقولنا
في افكارنا....
في اللي نحب نفتكره
وفي اللي كمان نفسنا نغيرة و نهدمة من اساسة
يعني المسكن الشعبي هنا مكان وفكرة
وكلة هانزورة
واللي ما يشترى يتفرج
ملحوظة :-
دايما المساكن الشعبية ارضها غير ممهدة خلي باك وانت ماشي